ACTUS PÆNITENTIALIS
Qui missus es sanáre contrítos corde ;
Kyrie eleison.
Qui peccatóres vocáre venísti ;
Christe eleison.
Qui ad déxteram Patris sedes, ad interpéllan dum pro nobis :
Kyrie eleison.
HYMNUS - GLORIA IN EXCELSIS DEO
Glória in excélsis Déo.
Et in térra pax homínibus bónæ voluntátis.
Laudámus te. Benedícimus te.
Adorámus te. Glorificámus te.
Grátias ágimus tibi propter mágnam glóriam túam.
Dómine Déus, Rex cæléstis, Déus Pater omnípotens.
Dómine, Fíli unigénite, Jésu Chríste.
Dómine Deus, Agnus Dei, Fílius Patris.
Qui tollis peccáta mundi, miserére nobis.
Qui tollis peccáta mundi, súscipe deprecatiónem nostram.
Qui sedes ad déxteram Patris, miserére nobis.
Quóniam tu solus sanctus. Tu solus Dóminus.
Tu solus Altíssimus, Jesu Christe.
Cum Sancto Spíritu, in glória Dei Patris.
Amen.
ALLELUIA I
Allelu, alleluia.
Venite exultemus Domino :
jubilemus Deo salutari nostri.
VERBUM DOMINI I
Verbum Domini.
Laus tibi Christe.
ALLELUIA II
Alleluia, alleluia.
Omnes gentes plaudite manibus :
Jubilate Deo in voce exsultationis.
VERBUM DOMINI II
Verbum Domini.
Laus tibi Christe.
CREDO IN UNUM DEUM
Credo in unum Deum, Patrem omnipoténtem,
factórem cæli et terræ, visibílium ómnium et invisibílium.
Et in unum Dóminum Iesum Christum, Fílium Dei unigénitum,
et ex Patre natum ante ómnia sæcula.
Deum de Deo, lumen de lúmine, Deum verum de Deo vero.
Génitum, non factum, consubstantiálem Patri;
per quem ómnia facta sunt.
Qui propter nos hómines,
et propter nostram salútem descéndit de cælis.
Et incarnátus est de Spíritu Sancto ex María Vírgine:
et homo factus est.
Crucifíxus étiam pro nobis sub Póntio Piláto, passus, et sepúltus est.
Et resurréxit tértia die, secúndum Scriptúras.
Et ascéndit in cælum, sedet ad déxteram Patris.
Et íterum ventúrus est cum glória, iudicáre vivos et mórtuos:
cuius regni non erit finis.
Et in Spíritum Sanctum, Dóminum et vivificántem,
qui ex Patre Filióque procédit.
Qui cum Patre et Fílio simul adorátur, et conglorificátur:
qui locútus est per Prophétas.
Et unam, sanctam, cathólicam et apostólicam Ecclésiam.
Confíteor unum baptísma in remissiónem peccatórum.
Et expécto resurrectiónem mortuórum.
Et vitam ventúri sæculi. Amen.
ACCLAMATIO - SANCTUS
Sanctus, Sanctus, Sanctus Dóminus, Deus Sábaoth !
Pleni sunt cæli et terra glória tua.
Hosánna in excélsis !
Benedíctus qui venit in nómine Dómini.
Hosánna in excélsis !
PRES EUCHARISTICA - ANAMNESIS
Mystérium fidéi.
Mortem tuam annuntiámus, Dómine,
et tuam resurrectiónem confitémur, donec vénias.
PRES EUCHARISTICA - DOXOLOGIA
Per ipsum, et cum ipso, et in ipso, amen,
est tibi Deo Patri omnipoténti
in unitáte Spíritus Sancti, amen,
omnis honor et glória per ómnia saécula saeculórum, amen.
PATER NOSTER
Pater noster, qui es in cælis:
sanctificétur nomen tuum:
advéniat regnum tuum:
fiat volúntas tua, sicut in cælo, et in terra.
Panem nostrum quotidianum da nobis hodie:
et dimítte nobis débita nostra,
sicut et nos dimíttimus debitóribus nostris.
Et ne nos indúcas in tentatiónem.
Sed líbera nos a malo.
Amen.
AGNUS DEI
Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: dona nobis pacem.
AVE MARIA
Ave Maria, gratia plena: Dóminus tecum:
benedícta tu in muliéribus,
et benedíctus fructus ventris tui Jesu.
Sancta Maria, Mater Dei, ora pro nobis peccatóribus,
nunc et in hora mortis nostræ, Sancta Maria.