SALVE MATER MISERICORDIAE,
MATER DEI, ET MATER VENIAE,
MATER SPEI, ET MATER GRATIAE,
MATER PLENA SANCTAE LAETITIAE,
O MARIA.
1
Salve decus humani generis,
Salve virgo, dignior ceteris,
quae virgines omnes transgrederis
Et altius Sedes in superis, O Maria.
2
Salve felix virgo puerpera
Nam qui sedet in Patris dextera
Caelum regens terram et aethera.
Intra tua se clausit viscera, O Maria.
3
Te creavit Pater ingenitus,
obumbravit te unigenitus
Fecundavit te Sanctus Spiritus
Tu es facta tota Divinitus. O Maria.
4
Esto, Mater, nostrum solatium,
Nostrum esto, tu Virgo gaudium ;
Et nos tandem post hoc exsilium
laetos junge choris coelestium. O Maria.